Opta nashri Yevropaning kuchli beshlik chempionatlarida raqiblar darvozasi tomon zarba berayotgan futbolchilar reytingini e’lon qildi.

«Yuventus» hujumchisi Krishtianu Ronaldu bu ko‘rsatkich bo‘yicha yetakchilik qilmoqda. Manbaga ko‘ra, portugaliyalik futbolchi A seriyaning ushbu mavsumida 93 marta zarba bergan. Krishtianu bu zarbalarning 9tasini golga aylantirgan.

Ikkinchi o‘rinni «Jenoa» forvard Kshishtof Pyontek egallab turibdi: 56ta zarba, 10ta gol. Uchinchi o‘rinni band etgan «Napoli» hujumchisi Lorenso Insinye ham 56ta zarba bergan. Faqat uning hisobida 7ta gol bor. To‘rtinchi va beshinchi o‘rinlarni egallagan Serxio Aguero ("Manchester Siti) va Nikolya Pepe ("Lill") raqib darvozasi tomon 55 martadan zarba berib, 8tadan gol urishgan. "Roma" futbolchisi Edin Jeko ham 55ta zarba bergan, ammo uning gollari — bor-yo‘g‘i 2ta.

«Barselona» sardori Lionel Messi va "Liverpul" yetakchisi Muhammad Salohning ushbu mavsumdagi zarbalari soni 50tani tashkil etmoqda. Argentinalik futbolchi 9ta gol urgan bo‘lsa, misrlik futbolchi 7ta golga mualliflik qilgan.