Opta нашри Европанинг кучли бешлик чемпионатларида рақиблар дарвозаси томон зарба бераётган футболчилар рейтингини эълон қилди.
«Ювентус» ҳужумчиси Криштиану Роналду бу кўрсаткич бўйича етакчилик қилмоқда. Манбага кўра, португалиялик футболчи А сериянинг ушбу мавсумида 93 марта зарба берган. Криштиану бу зарбаларнинг 9тасини голга айлантирган.
Иккинчи ўринни «Женоа» форвард Кшиштоф Пёнтек эгаллаб турибди: 56та зарба, 10та гол. Учинчи ўринни банд этган «Наполи» ҳужумчиси Лоренцо Инсинье ҳам 56та зарба берган. Фақат унинг ҳисобида 7та гол бор. Тўртинчи ва бешинчи ўринларни эгаллаган Серхио Агуэро ("Манчестер Сити) ва Николя Пепе ("Лилль") рақиб дарвозаси томон 55 мартадан зарба бериб, 8тадан гол уришган. "Рома" футболчиси Эдин Жеко ҳам 55та зарба берган, аммо унинг голлари — бор-йўғи 2та.
«Барселона» сардори Лионель Месси ва "Ливерпуль" етакчиси Муҳаммад Салоҳнинг ушбу мавсумдаги зарбалари сони 50тани ташкил этмоқда. Аргентиналик футболчи 9та гол урган бўлса, мисрлик футболчи 7та голга муаллифлик қилган.
