Bugun Etika qo‘mitasi ushbu holat yuzasidan yig‘ilish o‘tkazdi va yuz bergan holatni atroflicha o‘rganib chiqdi.

Qayd etish joizki, Superliga 23-tur uchrashuvlari doirasidagi “Metallurg” – “Lokomotiv” bahsi 90+4 daqiqasida ham “temiryo‘lchilar” jamoasi zaxira o‘rindig‘ida o‘tirgan Marat Bikmayev hakamlar guruhi sha’niga noma’qul so‘zlar ishlatgan edi. Natijada o‘yinni boshqarib borgan hakam – Vladislav Seytlin ushbu futbolchini maydondan chetlatib, yozma bildirgi orqali Bikmayev avvaliga zaxira hakamini, so‘ngra butun hakamlar guruhini haqorat qilganini ma’lum qilgan va natijada Bikmayev ikkita rasmiy uchrashuvdan chetlatilgan edi.

Marat Bikmayevning “Paxtakor”ga qarshi o‘yinda ham odob-ahloq qoidalariga mos kelmaydigan xatti-harakat amalga oshirganini aslo oqlab bo‘lmaydi. Zero milliy terma jamoa a’zosi barchaga o‘rnak bo‘lishi lozim aslida.

Etika qo‘mitasi ushbu vaziyatni atroflicha o‘rganib chiqqan holda Musobaqalar reglamentining intizomiy va jarimalar kodeksi 3-bo‘lim, 5.45 bandining “G” qismini qo‘pol ravishda buzgani e’tirof etilgan Marat Bikmayevning 31-tur o‘yini vaqtida va ungacha bo‘lgan 23-tur uchrashuvi paytida ham odob-ahloq qoidalaridan chetga chiqqanini inobatga olib, futbolchini 2 ta rasmiy o‘yinga chetlatdi va futbolchiga nisbatan 20 million so‘m miqdorida jarima belgilandi. 

Rakitich Germaniya klublaridan taklif kutmoqda

Kataloniyaning “Barselona” klubi yarim himoyachisi Ivan Rakitich Germaniyaga qaytishga qarshi emas.

Goal nashrining xabariga ko‘ra, 30 yoshli futbolchi joriy mavsum yakunlangach “ko‘k-anorranglilar” safini tark etishi mumkin.

Rakitich “Bavariya”, “Borussiya D” yoki “Shalke”ning taklifini qabul qilishga tayyor.

Eslatib o‘tamiz, Rakitich “gelzenkirxenliklar” safida uch mavsum o‘ynagan. Shundan so‘ng, xorvatiyalik futbolchi ”Sevilya”ga o‘tgan.