“Manchester Yunayted” bosh murabbiyi Joze Mourinyo kuchli jamoani to‘plash qiyin bo‘lib qolgani haqida aytdi.

“Futbol butkul o‘zgarib ketdi, yuqori saviyadagi futbolchini sotib olish qiyin bo‘lib qoldi. Klublar kuchli bo‘lib olishdi va ular futbolchilarni sotishni xohlamayapti.

Oldin biroz kuchsizroq jamoalar o‘z futbolchilarini boshqa jamoa sotib olishini so‘rashgan. Lekin hozir ular fikrlarini o‘zgartirishgan va qobiliyatli futbolchilarini sotishni istashmayapti. Transfer bozorida kuchli futbolchini sotib olish qiyin bo‘lib qoldi”, - deydi portugaliyalik mutaxassis.