24 noyabr – 3 dekabr kunlari Turkiyaning Konya shahri 16 yoshgacha bo‘lgan sportchilar o‘rtasidagi Butunjahon shaxmat Olimpiadasiga mezbonlik qilmoqda. Musobaqada yurtimiz sharafini Nodirbek Yoqubboyev, Nodirbek Abdusattorov, Javohir Sindorov, Shamsiddin Vohidov va Sitora Saparova himoya qilmoqda.
Hozirga kelib shaxmat Olimpiadasining 8 turi ortda qoldi. Sakkizinchi turda shaxmatchilarimiz eronlik raqiblarini 2,5:1,5 hisobida mag‘lubiyatga uchratdilar. Nodirbek Yoqubboyev raqibidan ustun kelgan bo‘lsa, Abdusattorov, Sindorov va Vohidov durangga erishdi.
Ayni paytda sportchilarimiz turnir jadvalida peshqadam bo‘lib turishibdi.
Yosh shaxmatchilarimiz bungacha quyidagi natijalarni qayd etgandilar:
O‘zbekiston – Vengriya 4:0
O‘zbekiston – Polsha 3:1
O‘zbekiston – Moldova 3,5:0,5
O‘zbekiston – AQSH 1,5:2:5
O‘zbekiston – Rossiya 3:1
O‘zbekiston – Hindiston 3:1
O‘zbekiston – Ukraina 3,5:0,5
Bugun hamyurtlarimiz Xitoy terma jamoasiga qarshi dona suradilar.
