Ma’lumki qiziqarli va shiddatli kurashlar ostida kechgan uchrashuvlarga boyligi bilan yodda qolgan Superliganing 2018 yilgi mavsumi ham va nihoyat yakunlandi.

Shu davr mobaynida milliy chempionatimizda ko‘plab yangiliklar amalga oshirildi. Shu o‘rinda  Buxoro farzandi  sobiq futbolchisi, bosh murabbiy  Ulug‘bek Baqoyev  Istamovich haqida har qancha gapirsak  oz. Habaringiz bor “Buxoro” jamoamiz bosh murabbiyi Superliganing joriy yilgi mavsumdagi so‘nngi “Metallurg”- “Buxoro” uchrashuvidan so‘nggi matbuot anjumanida bergan habariga ko‘ra “Buxoro” jamoasini tark etayotganini aytib o‘tgan edi. Bu habardan xafa bo‘ldik albatta.  Chunki yosh bo‘lishiga qaramay,  jamoa uchun qilgan xizmatlarini, jamoani og‘ir ahvolda qabul qilib,  qisqa muddat ichida qayta shakllantirib mavsumni yaxshi natijalar bilan yakunlaganligi taxsinga sazovor deya baralla ayta olamiz. Shuningdek Ulug‘bek Baqoyev  O‘zbekiston futbolini rivojlanishida o‘z hissasini qo‘shgan,  o‘zbek futboli faxrlaridan biri desak ham mubolag‘a bo‘lmaydi. Shu bois “Buxoro” jamoasini 2 yil mobaynida boshqarib unga murabbiylik qilib kelgan Baqoyev Ulug‘bek Istamovichga  klub rahbarlari, jamoa futbolchilari, klub  ishchi hodimlari va  jamoa muxlislari nomidan  chin dildan tashakkurlar aytib, minnatdorchilik bildiramiz. Qolaversa Ulug‘bek Baqoyevdek murabbiyga cheksiz hurmat va ehtirom ila  kelgusi faoliyatida ulkan muvaffaqiyat va omadlar tilaymiz. “Buxoro” jamoasi va muxlislari  jamoa uchun astoydil qilgan mehnatingizni hech qachon unutmaydi va qachondir jamoaga qayta kelishingizni istab qoladi.

Yana bir bor   “Buxoro” jamoasiga qilgan xizmatlaringiz uchun katta raxmat deya kelgusi murabbiylik faoliyatingizda  ulkan zafarlar yor bo‘lishini tilab qolamiz.

PFK “Buxoro” ma’muriyati