Маълумки қизиқарли ва шиддатли курашлар остида кечган учрашувларга бойлиги билан ёдда қолган Суперлиганинг 2018 йилги мавсуми ҳам ва ниҳоят якунланди.

Шу давр мобайнида миллий чемпионатимизда кўплаб янгиликлар амалга оширилди. Шу ўринда  Бухоро фарзанди  собиқ футболчиси, бош мураббий  Улуғбек Бақоев  Истамович ҳақида ҳар қанча гапирсак  оз. Ҳабарингиз бор “Бухоро” жамоамиз бош мураббийи Суперлиганинг жорий йилги мавсумдаги сўннги “Металлург”- “Бухоро” учрашувидан сўнгги матбуот анжуманида берган ҳабарига кўра “Бухоро” жамоасини тарк этаётганини айтиб ўтган эди. Бу ҳабардан хафа бўлдик албатта.  Чунки ёш бўлишига қарамай,  жамоа учун қилган хизматларини, жамоани оғир аҳволда қабул қилиб,  қисқа муддат ичида қайта шакллантириб мавсумни яхши натижалар билан якунлаганлиги тахсинга сазовор дея баралла айта оламиз. Шунингдек Улуғбек Бақоев  Ўзбекистон футболини ривожланишида ўз ҳиссасини қўшган,  ўзбек футболи фахрларидан бири десак ҳам муболаға бўлмайди. Шу боис “Бухоро” жамоасини 2 йил мобайнида бошқариб унга мураббийлик қилиб келган Бақоев Улуғбек Истамовичга  клуб раҳбарлари, жамоа футболчилари, клуб  ишчи ҳодимлари ва  жамоа мухлислари номидан  чин дилдан ташаккурлар айтиб, миннатдорчилик билдирамиз. Қолаверса Улуғбек Бақоевдек мураббийга чексиз ҳурмат ва эҳтиром ила  келгуси фаолиятида улкан муваффақият ва омадлар тилаймиз. “Бухоро” жамоаси ва мухлислари  жамоа учун астойдил қилган меҳнатингизни ҳеч қачон унутмайди ва қачондир жамоага қайта келишингизни истаб қолади.

Яна бир бор   “Бухоро” жамоасига қилган хизматларингиз учун катта рахмат дея келгуси мураббийлик фаолиятингизда  улкан зафарлар ёр бўлишини тилаб қоламиз.

ПФК “Бухоро” маъмурияти