Xabaringiz bor, Namangandagi «Markaziy“ va zaxira stadionida rekonstruksiya ishlari davom etmoqda. Bu haqda sizga oldingi xabarlarimizda ham ma’lum qilgan edik. Ana shu munosabat bilan «Navbahor» o‘yingohining asosiy maydoniga Gollandiyadan sifatli maysalar olib kelinadi. Shu o‘rinda zaxira maydoni ham ideal ko‘rinishga keltirilishini aytib o‘tish joiz. Mazkur ish yuzasidan bir oz oldin klub prezidenti Shavkat Shokirjanovich Abdurazoqov hamda Namangan viloyati futbol assosiasiyasi vise-prezidenti Shamshod Ergashovich Sarikov tezkor yig‘ilish o‘tkazdi.

Shuni ham ta’kidlash joizki, maydonni eng sifatli va zamonaviy ko‘rinishga keltirish uchun hattoki sug‘orish tizimi ham yevropa stadionlaridagi kabi zamonaviy kompyuterlashgan texnologiyalar asosida boshqariladigan bo‘ladi. Bundan tashqari maysani ekish jarayonida Italiya texnalogiyalaridan foydalaniladi. Namangandagi maydonga Gollandiyadan eng oliy navli maysalar olib kelinishi ko‘zda tutilgan. Hozirda «Navbahor» stadioniga maxsus mutaxassislar guruhi tashrif buyurub mavjud holatni o‘rganishni boshlab yuborgan. Maysalar yetib kelishi bilan o‘rnatish ishlarini o‘zlari boshlab beradigan bo‘lishdi.