Xabaringiz bor, O‘zbekiston U-19 ayollar terma jamoasi shu yilning oktyabr oyida Qirg‘izistonda bo‘lib o‘tgan Osiyo chempionati saralashining birinchi bosqichida muvaffaqiyatli qatnashib, keyingi bosqichga yo‘l oldi.   Endi Karima Yo‘ldosheva boshchiligidagi futbolchi qizlar kelasi yilning aprel oyida bo‘lib o‘tadigan ikkinchi saralash bosqichida qatnashishadi.   Ana o‘sha musobaqaga tayyorgarlik olib borayotgan terma jamoamiz a’zolari 10 dekabrdan Namangan shahrida yig‘inga kirishishganini avval xabar berib o‘tgandik.    Bosh murabbiyi Karima Yo‘ldosheva mazkur yig‘in davomida asosiy tarkib futbolchilariga raqobat tug‘dira oladigan yangi futbolchi qizlarni sinovdan o‘tkazmoqda. Mashg‘ulotlar ko‘tarinki ruhda o‘tayotganini ham ta’kidlab o‘tish kerak. Yig‘in davomida nazorat uchrashuvlari o‘tkazilishi ham rejalashtirilgan. O‘quv-mashg‘ulot yig‘ini 20 dekabga qadar davom etadi.