Хабарингиз бор, Ўзбекистон U-19 аёллар терма жамоаси шу йилнинг октябрь ойида Қирғизистонда бўлиб ўтган Осиё чемпионати саралашининг биринчи босқичида муваффақиятли қатнашиб, кейинги босқичга йўл олди.   Энди Карима Йўлдошева бошчилигидаги футболчи қизлар келаси йилнинг апрель ойида бўлиб ўтадиган иккинчи саралаш босқичида қатнашишади.   Ана ўша мусобақага тайёргарлик олиб бораётган терма жамоамиз аъзолари 10 декабрдан Наманган шаҳрида йиғинга киришишганини аввал хабар бериб ўтгандик.    Бош мураббийи Карима Йўлдошева мазкур йиғин давомида асосий таркиб футболчиларига рақобат туғдира оладиган янги футболчи қизларни синовдан ўтказмоқда. Машғулотлар кўтаринки руҳда ўтаётганини ҳам таъкидлаб ўтиш керак. Йиғин давомида назорат учрашувлари ўтказилиши ҳам режалаштирилган. Ўқув-машғулот йиғини 20 декабга қадар давом этади.