Avvalroq, Osiyo boks konfederasiyasi yilning eng yaxshilarini aniqlash maqsadida so‘rovnoma tashkil qilgani haqida xabar qilgandik. Unga ko‘ra, bir necha hamyurtimiz o‘z yo‘nalishida qit’ada tengsiz deb topildi.
Eng yaxshi bokschi nominasiyasida Isroil Madrimov barcha raqiblarini ortda qoldirgan holda, Osiyoning eng yaxshi erkak bokschisi deb e’lon qilindi. Boshqa bir hamyurtimiz Iqboljon Xoldorov esa bu borada uchinchi bo‘ldi.
«Osiyoda yilning eng yaxshi texnik mutaxassisi» yo‘nalishida Dilshod Kazakovga teng keladigan raqib topilmadi.
Hakamimiz Aleksandr Hamidov ham 2018 yilda «Osiyoning eng yaxshi hakami» unvonini qo‘lga kiritdi.
Va albatta yil davomida katta hajmdagi ishni amalga oshirgan O‘zbekiston boks federasiyasi qit’ada eng yaxshi bo‘ldi.
Milliy olimpiya qo‘mitasi ushbu muvaffaqiyat bilan o‘zbek boks oilasini muborakbod etib qoladi.
