Fransiyaning PSJ klubi yarim himoyachisi Adriyen Rabyo qishki transfer oynasida jamoasini o‘zgartiradi. Bu haqda Le Parisien nashri xabar bermoqda.

Manbaning xabariga ko‘ra, fransiyalik futbolchi “Barselona” bilan kelishuvga erishgan. Avvalroq, Rabyo parijliklar safini tark etmoqchi ekanligini ma’lum qilgandi. PSJ futbolchini 40 million yevrodan kam bo‘lmagan mablag‘ga qo‘yib yuborishga tayyor.

Eslatib o‘tamiz, Rabyo joriy mavsum 14 ta o‘yinda ishtirok etib, 2 ta gol urgan va 1ta golga assistentlik qilgan.