"PSJ" klubi qanot hujumchisi Bredli Barkola Londonning "Arsenal" klubi qiziqishlari doirasiga tushdi.

Diario SPORT nashrining xabariga ko‘ra, "to‘pchilar" 23 yoshli fransuz futbolchisini qo‘lga kiritish uchun asosiy da’vogarlardan biri bo‘lib turibdi. Hattoki, London klubi vakillari futbolchi bilan to‘g‘ridan-to‘g‘ri bog‘lanib, dastlabki muzokaralarni o‘tkazishga ulgurgan.

Manbaning ta’kidlashicha, "Arsenal" kelayotgan yozgi transfer oynasida Barkolaning transferini moliyalashtirish uchun Leandro Trossar yoki Gabriel Martinellidan birini sotib yuborishni rejalashtirmoqda.

Joriy mavsumda Barkolya barcha turnirlar doirasida 45 ta uchrashuvda maydonga tushdi. Ushbu o‘yinlarda hujumchi 12 ta gol urdi va 7 ta golli uzatmani amalga oshirdi.