"ПСЖ" клуби қанот ҳужумчиси Брэдли Баркола Лондоннинг "Арсенал" клуби қизиқишлари доирасига тушди.
Diario SPORT нашрининг хабарига кўра, "тўпчилар" 23 ёшли француз футболчисини қўлга киритиш учун асосий даъвогарлардан бири бўлиб турибди. Ҳаттоки, Лондон клуби вакиллари футболчи билан тўғридан-тўғри боғланиб, дастлабки музокараларни ўтказишга улгурган.
Манбанинг таъкидлашича, "Арсенал" келаётган ёзги трансфер ойнасида Барколанинг трансферини молиялаштириш учун Леандро Троссар ёки Габриэл Мартинеллидан бирини сотиб юборишни режалаштирмоқда.
Жорий мавсумда Барколя барча турнирлар доирасида 45 та учрашувда майдонга тушди. Ушбу ўйинларда ҳужумчи 12 та гол урди ва 7 та голли узатмани амалга оширди.
