Kirish Ro'yxatdan o'tish
14/05 00:00 Aston Villa 3-3 Liverpul
14/05 00:00 Barselona 2-0 Real Sosyedad
14/05 19:00 Lokomotiv 0-2 OKMK
14/05 22:30 Osasuna 1-1 Malyorka
15/05 00:00 Tottenhem 0-2 Manchester Siti
15/05 00:30 Real Madrid 5-0 Alaves
15/05 01:00 Jirona 0-1 Vilyarreal
15/05 22:30 Sevilya - Kadis
15/05 22:30 Rayo Valyekano - Granada
15/05 23:45 Brayton - Chelsi
16/05 00:00 Man. Yunayted - Nyukasl
16/05 00:00 Reyms - Marsel
16/05 00:00 Nissa - PSJ
16/05 01:00 Selta - Atletik Bilbao
16/05 01:00 Xetafe - Atletiko
16/05 22:30 Las-Palmas - Betis

Umid Ahmadjonov Superliganing «Pro» lisenziyasi uchun tahsil olayotgan murabbiylari bilan uchrashdi

Umid Ahmadjonov Superliganing «Pro» lisenziyasi uchun tahsil olayotgan murabbiylari bilan uchrashdi

Baho:
+ | -
Bo'lim: O'ZBEK FUTBOLI
Rukn: Yangiliklar

Ayni paytda Toshkent shahrida futbol bo‘yicha murabbiylar uchun «Pro» lisenziyasi o‘quv-kurslari bo‘lib o‘tmoqda. Mazkur kurslarda 21 nafar murabbiy ishtirok etmoqda. Malaka oshirish kurslarida Turkmaniston, Hindiston, Tailand, shuningdek, Superligada faoliyat olib borayotgan murabbiylar ham tahsil olishmoqda. Bugun Milliy olimpiya qo‘mitasi prezidenti, O‘zbekiston futbol assosiasiyasining birinchi vise-prezidenti Umid Ahmadjonov mazkur kurslarda o‘qiyotgan murabbiylar bilan uchrashdi. Unda FIFA va AFC instruktori Islom Ahmedov, Ro‘ziqul Berdiyev, No‘’mon Hasanov, Davron Fayziyev, Hamidjon Aktamov, Jasur Abduraimov, Rustam Abdullayev hamda Bahrom Haydarov kabi murabbiylar ham ishtirok etishdi.

Umid Ahmadjonov uchrashuvni boshlar ekan, futbolni rivojlantirishda murabbiylarning roli beqiyos ekanligini aytib o‘tdi.

«Futbolni rivojlanishida siz – mutaxassislarning roli juda katta. Murabbiylar saviyasini oshirmay turib, futbolni yuqori pog‘onaga ko‘tarib bo‘lmaydi. Yurtimizda futbolni rivojlantirish yo‘lida hamjihatlikda ish olib borishimiz lozim. Shu maqsadda, Superliga murabbiylaridan iborat kengash tuzishni va ushbu kengashga tegishli vakolatlar berishni rejalashtirmoqdamiz. Kengashda sizlar ham bo‘lasizlar. Faollikni oshirib, yurtimiz futboli ravnaqini yuksaklarga ko‘tarishimiz lozim», – dedi Umid Ahmadjonov.

Yig‘ilish davomida shuningdek, murabbiylarimiz malakasini oshirish uchun ularni xorijiy klublarda malaka oshirishlari, dunyoning yetakchi klublari akademiyalarida ish o‘rganib qaytishlari kerakligi ta’kidlab o‘tildi.

Do‘stona ruhda kechgan uchrashuvda murabbiylar Umid Ahmadjonovga o‘z takliflarini berib, fikr-mulohazalarini bildirib o‘tdilar.

Uchrashuvdan so‘ng o‘quv-kursida instruktor sifatida faoliyat olib borayotgan Islom Ahmedovning fikrlari bilan qiziqdik.

«Bu yilgi o‘quv kurslari Yevropa standartlari asosida tashkil etilmoqda. Avvallari bunday kurslar 6 oy bo‘lardi. Endi esa 1 yil davom etadi. Hozircha ikkita modul yakunlandi. Futbol talablari o‘zgarib bormoqda. Murabbiylarimiz tahlillar asosida qilinishi lozim bo‘lgan ishlarni tushunishmoqda. Ushbu kurs orqali biz Superliga, Proligada faoliyat olib borayotgan murabbiylar bilan doimiy ravishda aloqada bo‘lamiz. Kurs qiziq o‘tmoqda. Men murabbiylarimiz uchun xursandman», – dedi Islom Ahmedov.

 

Manba: www.olympic.uz
Kiritildi: 19:41, 21.12.2018.
O'qildi: 2172 marta.
Fikrlar: 2 ta.

Eng ko'p o'qilgan yangiliklar


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.