«Manchester Yunayted» yarim himoyachisi Pol Pogba APLning 18-turi doirasida bo‘lib o‘tgan «Kardiff»ga qarshi o‘yindan (5:1) so‘ng o‘z fikrlarini bildirib o‘tdi. Mankunianliklar Joze Mourinyoning iste’fosidan so‘ng ilk uchrashuvni o‘tkazishdi. Bu bahsda jamoani maydonga Ule-Gunnar Sulsher boshlab tushdi.
«Mourinyo bilan bir nechta sovrinlarni qo‘lga kiritdik. Buning uchun unga minnatdorchilik bildiraman. Ha, u bilan munosabatlarimizda hamma narsa joyida bo‘lmadi. Shunga qaramay, biz sovrinlarga ega chiqdik. Men Jozega rahmat aytaman. Ishonchim komil, o‘yinchilar navbatdagi o‘yinni intizorlik bilan kutishmoqda. Biz jadvalda yuqoriga ko‘tarilish uchun ochkolar jamg‘arishmiz kerak», – dedi Pogba.
Faktlar
— Pogba va Mourinyo o‘zaro mojaroga borishdi.
— «Kardiff»ga qarshi o‘yinda Pogba ikkita golga uzatma berdi.
— «MYU» Aleks Fergyuson davridan beri APL doirasidagi bitta o‘yinda 5ta gol urdi.