«Манчестер Юнайтед» ярим ҳимоячиси Поль Погба АПЛнинг 18-тури доирасида бўлиб ўтган «Кардифф»га қарши ўйиндан (5:1) сўнг ўз фикрларини билдириб ўтди. Манкунианликлар Жозе Моуриньонинг истеъфосидан сўнг илк учрашувни ўтказишди. Бу баҳсда жамоани майдонга Уле-Гуннар Сульшер бошлаб тушди.
«Моуриньо билан бир нечта совринларни қўлга киритдик. Бунинг учун унга миннатдорчилик билдираман. Ҳа, у билан муносабатларимизда ҳамма нарса жойида бўлмади. Шунга қарамай, биз совринларга эга чиқдик. Мен Жозега раҳмат айтаман. Ишончим комил, ўйинчилар навбатдаги ўйинни интизорлик билан кутишмоқда. Биз жадвалда юқорига кўтарилиш учун очколар жамғаришмиз керак», – деди Погба.
Фактлар
— Погба ва Моуриньо ўзаро можарога боришди.
— «Кардифф»га қарши ўйинда Погба иккита голга узатма берди.
— «МЮ» Алекс Фергюсон давридан бери АПЛ доирасидаги битта ўйинда 5та гол урди.