«Ливерпуль»ни тарк этган ҳимоячи Эндрю Робертсон «Манчестер Сити» бош мураббийи Хосеп Гвардиоланинг истеъфоси ҳақида фикр билдирди. Шунингдек, ушбу ҳафтада «Ливерпуль»дан Муҳаммад Салоҳ ва «Эвертон»дан ҳимоячи Шеймус Коулман ҳам кетишганини таъкидлаб ўтди.

«Нималарни ҳис қиляпман? Руҳий чарчоқ. Бу жуда оғир ҳафта бўлди. Ҳиссиётларни жиловлашга, ўйинга диққат қаратишга ҳаракат қиласан ва шу билан бирга барча керакли инсонлар билан тўғри хайрлашишга интиласан. Энди эса бир жуфт сўз айтмоқчиман: бугун бошқа клублардан ҳам икки муҳим шахс кетмоқда.

Пеп Гвардиола бизни мутлақо янги даражага олиб чиқди ва агар шу инсон бўлмаганида, биз балки кўпроқ Премьер-лига чемпионлигини қўлга киритган бўлардик. У «Манчестер Сити»га садоқат билан хизмат қилди, унга энг яхши тилакларимни билдираман.

Ва ниҳоят, Шеймус Коулман. Ўз вақтида у АПЛнинг энг яхши ҳимоячиларидан бири эди ва жуда юқори савияда ўйнади. Унинг нархи эса мендан ҳам арзон — бор-йўғи 60 минг фунт бўлган! У «Эвертон» учун ажойиб ўйинчи бўлди ва унга ҳам омад тилайман», — дейди Робертсон клуб расмий сайтига.