Kataloniyaning “Barselona” klubi “Ayaks” futbolchisi Matteys de Ligt uchun kurashdan chiqdi. Bu haqda El Mundo Deportivo nashri xabar bermoqda.
Manbaning xabariga ko‘ra, kataloniyaliklar futbolchining agenti Mino Rayola tufayli kurashdan chiqgan.
Mino Rayola mijozini xarid qilmoqchi bo‘layotgan klublar uchun auksion o‘tkazmoqchi. Bu orqali u niderland yulduzini eng ko‘p maosh to‘lay oluvchi klubga o‘tkazish niyatida. “Barselona” mazkur auksionda ishtirok etmoqchi emas.
Eslatib o‘tamiz, De Ligtga “Barsa”dan tashqari “Yuventus” va “Bavariya” ham qiziqish bildirmoqda.