"Manchester Yunayted" Ule-Gunnar Sulsher boshqaruviga o‘tganidan keyin ketma-ket uchinchi o‘yinda ishonchli g‘alabani qo‘lga kiritmoqda. Mankunianliklar Angliya chempionatining 20-turi doirasida "Bornmut"ni qabul qilib, yirik hisobda g‘alabani tantana qilishdi.

O‘tgan o‘yinda bo‘lgani kabi bu safar ham Pol Pogba uchrashuv qahramoniga aylandi. Fransiyalik futbolchi 5-daqiqadayoq hisobni ochgan bo‘lsa, 33-daqiqaga kelib Pogba hisobdagi farqni ikkitaga yetkazdi.

Birinchi bo‘lim so‘ngida Refshord hisobni yirik ko‘rinishga keltirgan bo‘lsa, taymga qo‘shib berilgan daqiqalarda Natan Ake "Bornmut"ning dastlabki goliga mualliflik qildi.

Ikkinchi bo‘limda Pogbaning uzatmasidan keyin Lukaku yakkama-yakka vaziyatga chiqib, undan samarali foydalandi. O‘yin tugashiga 11 daqiqa qolganida Bayi qizil kartochka olib, maydonni tark etdi. "MYU" esa to‘pni nazorat qilib, raqibga hujum qilish imkoniyatini bermadi.

Shu tariqa, "qizil iblislar" o‘z ochkolarini 35taga yetkazib olishdi. Jamoa endi 5-o‘rindagi "Arsenal"dan bor-yo‘g‘i 3 ochko ortda qolmoqda.

APL, 20-tur
Manchester Yunayted – Bornmut 4:1 (3:1, 1:0)
Gollar: 1:0 – 5 Pogba, 2:0 – 33 Pogba, 3:0 – 45 Reshford, 3:1 – 45 Ake, 4:1 – 72 Lukaku.
Manchester Yunayted – De Xea, Bayi, Shou, Yang, Lindelef, Pogba, Matich, Lingard, Errera (Pereyra, 76), Marsyal (Jons, 82), Reshford (Lukaku, 70).
Bornmut – Begovich, Ake (Mingz, 82), Deniels, Riko, Kuk, Serman, Ayb, Stanislas, Bruks (Musse, 66), King, Uilson (Freyzer, 66).
Ogohlantirishlar: Yang (36), Errera (51).
Chetlatish: Bayi (79).