Bugun “Metallurg” jamoasining darvozabonlar bo‘yicha murabbiyi Alisher Ahmedov o‘zining tavallud ayyomini nishonlayapti. Alisher Turdaliyevich 47-bahorini qarshilayapti.
German Titov nomidagi Respublika olimpiya zahiralari kollejini tamomlagan Alisher Ahmedov 1990 yildan mamlakatimizning turli jamoalari sharafini himoya etdi. “Sverdlovchi”, “Chirchiq”, “Navro‘z”, “Guliston”, MHSK, “Do‘stlik”, “Andijon”, “Traktor”, “To‘palang”, “Lokomotiv”, “So‘g‘diyona” jamoalari darvozasini qo‘riqladi. Shuningdek, Rossiyaning “Salyut” (Belgorod), “Torpedo” (Eles), “Dinamo” (Kirov) jamoalarida faoliyat yuritdi.
Murabbiylik faoliyatini esa mana bir necha yildirki Bekobodning “Metallurg” jamoasida o‘tamoqda. “Metallurg” PFK rahbariyati, murabbiylar shtabi, futbolchilari hamda muxlislari nomidan Alisher Ahmedovni tug‘ilgan kuni bilan samimiy tabriklaymiz. U kishiga sihat-salomatlik, oilaviy xotirjamlik, murabbiylik faoliyatida ulkan zafarlar tilaymiz.
Tug‘ilgan kuningiz muborak bo‘lsin!
