Бугун “Металлург” жамоасининг дарвозабонлар бўйича мураббийи Алишер Аҳмедов ўзининг таваллуд айёмини нишонлаяпти. Алишер Турдалиевич 47-баҳорини қаршилаяпти.

Герман Титов номидаги Республика олимпия заҳиралари коллежини тамомлаган Алишер Аҳмедов 1990 йилдан мамлакатимизнинг турли жамоалари шарафини ҳимоя этди. “Свердловчи”, “Чирчиқ”, “Наврўз”, “Гулистон”, МҲСК, “Дўстлик”, “Андижон”, “Трактор”, “Тўпаланг”, “Локомотив”, “Сўғдиёна” жамоалари дарвозасини қўриқлади. Шунингдек, Россиянинг “Салют” (Белгород), “Торпедо” (Елец), “Динамо” (Киров) жамоаларида фаолият юритди.

Мураббийлик фаолиятини эса мана бир неча йилдирки Бекободнинг “Металлург” жамоасида ўтамоқда. “Металлург” ПФК раҳбарияти, мураббийлар штаби, футболчилари ҳамда мухлислари номидан Алишер Аҳмедовни туғилган куни билан самимий табриклаймиз. У кишига сиҳат-саломатлик, оилавий хотиржамлик, мураббийлик фаолиятида улкан зафарлар тилаймиз.
Туғилган кунингиз муборак бўлсин!