Qarshining “Nasaf” klubi nafaqat yurtimizda, balki qit’amizda ham o‘z obro‘-e’tiboriga ega jamoalardan sanaladi.
“Nasaf” futbol klubi 1986 yilda Qarshi shahrida tashkil etilgan. 1997 yildan buyon O‘zbekiston Oliy ligasining doimiy qatnashchisi.
O‘sha mavsumda “Nasaf” oltinchi o‘rinni egallagan. 2000 yilda esa jamoa ilk marta bronza medaliga ega chiqdi. Shundan so‘ng yana 9 marta O‘zbekiston chempionati finishiga jamoa 3-bo‘lib keldi.
“Nasaf” jamoasi qit’amiz miqiyosida xalqaro maydonda g‘alabaga erishgan yagona o‘zbek klubi bo‘lib turibdi. 2011 yil jamoa tarixidagi eng esda qolarli mavsum sifatida yodda qoladigan bo‘ldi. Mavsum avvalida tarkibga bir qator tajribali va iqtidorli futbolchilarni jalb etgan qarshiliklar bir yo‘la uchta musobaqa – Osiyo futbol konfederasiyasi kubogi, O‘zbekiston chempionati va kubogi bellashuvlarida muvaffaqiyatli qatnashishdi. Ukrainalik taniqli mutaxassis Anatoliy Demyanenko qo‘l ostida qarshilik futbolchilar 2011 yili Osiyo Futbol Konfederasiyasi kubogini qo‘lga kiritishdi.
Ortda qolgan mavsumda “Nasaf” klubi Superligada 7-pog‘onani band etdi.
“Nasaf” jamoasi erishgan natijalari:
OFK Kubogi sohibi (2011)
2 karra O‘zbekiston chempioni vise-chempioni (2011, 2017)
10 karra O‘zbekiston chempionati bronza medali sohibi (2000, 2001, 2005, 2006, 2009, 2010, 2013-2016)
O‘zbekiston Kubogi sohibi (2015)
O‘zbekiston Superkubogi sohibi (2016)
Osiyo Chempionlar Kubogi yarim finalchisi (2001/02)
2 karra OFK “Fair play” sovrini sohibi (2002, 2011)
Jamoada to‘p surgan mashhur futbolchilar: Ro‘ziqul Berdiyev; Botir Qorayev; No‘’mon Xasanov; Aleksandr Xvostunov; Vladimir Shishelov; Shuhrat Mamajonov; Kaxa Gogoladze; Artur Gevorkyan; Sergey Krot; Dmitriy Kozachenko; Andrey Pereplyotkin; Ivan Boshkovich; Boyan Malishich; Aleksandr Petrovich.
Jamoani boshqargan mashhur murabbiylar: Viktor Borisov; Viktor Makarov; Bahrom Hakimov; Vladimir Fomichyov; Viktor Kumikov; Anatoliy Demyanenko; Ro‘ziqul Berdiyev.
