Ilxom Mo‘minjonov boshchiligidagi Termizning “Surxon” jamoasi Toshkentda o‘quv-yig‘in mashg‘ulotlarini boshladi!
Bugun, 5-yanvar kuni Termizning “Surxon” jamoasi yangi mavsum uchun tayyorgarlikni boshladi. Bugun jamoa a’zolari Toshkentda yig‘ildilar va tushlikdan so‘ng ilk o‘quv-yig‘in mashg‘ulotini o‘tkazdilar.
Mashg‘ulotlar Toshkentdagi markaziy “Paxtakor” o‘yigohida olib borilmoqda. Asosan bugun tiklanish mashg‘ulotlariga e’tibor qaratildi. Bugungi mashg‘ulotlarni murabbiylar Vladimir Andreev va Sherzod Sharipovlar olib bordilar.
Ko‘pchilik muhlislarimizni tarkib borasidagi o‘zgarishlar qiziqtirayotganligi aniq. O‘tgan mavsumda “Surxon” jamoasida ishonchli o‘yin ko‘rsatgan bir qator futbolchilar, yangi o‘quv – yig‘in mashg‘ulotlariga jalb etilgan. Albatta, tarkibda yangi nomlar ham mavjud.
Ushbu yangi futbolchilar bilan rasman kelishuvga erishilgandan so‘ng, keng ommaga ma’lum qilinadi!
“Surxon” PFK matbuot xizmati
