"Real Madrid" jamoasining sharafini himoya qilish har qanday futbolchi uchun sharaf desak, adashmagan bo'lamiz, lekin shunday o'yinchilar borki ular shu jamoa safiga o'tib o'z kariyerasini deyarli barbod qilishgan. Shunday futbolchilar haqida qisqacha...
Illarramendi - 40 million yevro
"Real Sosyedad" jamoasidan harid qilingan yosh iqtidor egasi Xabi Alonsoning o‘rnini egallashi kutilgan edi. Afsuski, Illiaramendi o‘zining eng pik nuqtasida «Real Madrid» ga o‘tadi va deyarli zahira va kubok o‘yinchisiga aylanib qoladi. Eng achinarlisi shundaki, futbolchining o‘yini sezilarli ravishda «tushib» ketadi. Keyinchalik esa yana o‘z jamoasiga qaytgan yarim himoyachi avvalgi darajasiga chiqa olmadi.
Royston Drente - 15 million yevro
Gollandiya yoshlar terma jamoasi bilan JCHda g‘olib bo‘lgan yigitchaning atrofida birdaniga Ispaniyaning ikki grandi paydo bo‘ladi. Afsuski, Drente «Barsa»ning taklifini rad etadi va «qaymoq ranglilar»safiga borib qo‘shiladi. Avvaliga birinchi mavsumni yaxshi o‘tkazgan futbolchi keyinchalik Marselloga asosiy tarkibdagi o‘rnini berib qo‘yadi. Bora - bora deyarli maydonga tushmay qo‘yadi. Shartnomasi tugagach, bir paytlar dunyoning eng kuchli yosh futbolchisi bo‘lgan qahramonimiz uzoq vaqt klubsiz qolib ketadi.
Jonatan Vudgeyt - 16 million
«Nyukasl» jamoasidagi ishonchli o‘yinlaridan so‘ng Fernando Yerroning o‘rniga harid qilingan futbolchi umuman o‘zini oqlamadi hisob. U ilk mavsumida birorta o‘yinda maydonga tushmagan bo‘lsa, ikkinchi mavsumda 14 ta o‘yinda harakat qiladi. Navbatdagi mavsumda «Real Madrid» uni «Midlsbro» jamoasiga ijaraga berib yuboradi.
Kaka - 65 million
2009-yilda «Milan» jamoasidan harid qilingan o‘yinchi sezilarli darajada «Real Madrid»da yo‘qolib qoldi. «Oltin to‘p» egasi «qirollik» klubida birorta ham yorqin o‘yin ko‘rsata olmadi. Ko‘pchilik buni jarohatlarga yo‘yadi. Ammo Kaka o‘zining intervyularidan birida qiziq bir faktni aytib o‘tgan edi : “To‘g‘risi, «Real»ga klubim iltimos qilgani uchun o‘tganman. O‘sha paytlari «Milan» moliyaviy muammolar girdobida qolgan edi.”
2014- yilda Kaka o‘z jamoasiga erkinagent sifatida qayta o‘tadi. Afsuki, bu oldingi Kaka emas edi. Uning aqlbovar qilmas o‘yinlari esa «Milan»ning shonli tarixi singari moziyda qolib ketdi.
