Xabar berib o‘tganimizdek, terma jamoalarimiz yangi mavsumga tayyorgarlikni boshlab yuborganlar. Shu jumladan sport kurashlari bo‘yicha O‘zbekiston terma jamoasi a’zolari ham lisenzion musobaqalarga munosib tayyorgarlik ko‘rish uchun o‘quv-mashg‘ulot yig‘inlariga kirishdilar.
Polvonlarimiz bugun Toshkent viloyatining Dukent shaharchasidagi «Yangiobod» o‘quv-mashg‘ulot bazasida yig‘inni boshladilar. Mashg‘ulotlarda 60 nafarga yaqin sportchi ishtirok etmoqda.
Yunon-rum va erkin kurash bo‘yicha terma jamoamiz a’zolari aynan shu yerda lisenzion musobaqalarga tayyorgarlik ko‘radilar. Mashg‘ulotlar 26 yanvarga qadar davom etadi.
Rejaga ko‘ra, yunon-rum kurashchilarimiz 2 fevraldan so‘ng kuni Vengriya va Xorvatiya mamlakatlarida o‘tkaziladigan reyting turnirlarida qatnashadilar.
