Xabar berib o‘tganimizdek, terma jamoalarimiz yangi mavsumga tayyorgarlikni boshlab yuborishgan.

Jumladan, taekvondo WTF bo‘yicha O‘zbekiston terma jamoasi a’zolari ham oldinda turgan mas’uliyatli musobaqalarga qizg‘in tayyorgarlik ko‘rmoqdalar.

Shu munosabat bilan sportchilarimiz Respublika ixtisoslashtirilgan olimpiya zaxiralari maktab internatida navbatdagi o‘quv-mashg‘ulot yig‘inlarini o‘tkazishmoqda. Unda 30 nafar sportchi ishtirok etmoqda.

7-21 yanvar kunlariga mo‘ljallangan yig‘in fevral oyida Antaliyada o‘tkaziladigan Turkiya Ochiq chempionati hamda «Evropa mintaqasi – Prezident kubogi» musobaqalariga tayyorgarlik vazifasini bajaradi.