Hozirgina yakunlangan uchrashuvda hamyurtlarimiz qo‘shnilarimizga hech qanday imkon qoldirishmadi.

Sezgan bo‘lsangiz, uchrashuv huddi o‘n daqiqa davom etgandek tez o‘tib ketdi.

Bugun yurtdoshlarimiz janob Kuperning ko‘rsatmalariga to‘liq rioya qilishdi.CHiroyli va o‘ta muhim g‘alabani qo‘lga kiritishdi natijada o‘z guruhida 1-o‘ringa ko‘tarilib oldi! Uchrashuv haqida qisqacha izoh:

Vaziyatlardan foydalana olmaslik kasalligidan ancha forig‘ bo‘lganimiz Ummon va Turkmaniston termalariga qarshi uchrashuvlarda shundoqqina ko‘rinib turibdi. To‘gri, jamoamiz ikkinchi bo‘limda bir nechta imkoniyatlarni qo‘ldan boy berishdi, lekin tan olish kerak 2-bo‘limga kelib termamiz allaqachon 3 ochkoni cho‘ntaklariga solib qo‘yishgan edi. Guruhimizdagi ikkinchi o‘yinda esa Yaponiya termasi bahsli penaltidan urgan goli evaziga qiyin g‘alabani qo‘lga kiritdi. To‘grisi, «samuraylar» ham Ummon ustidan osonlik bilan g‘alaba qozonishni uddasidan chiqa olishmadi.

Jamoamiz bugungi uchrashuvda o‘zlarini o‘ta erkin tutishdi va istalgan uslublarda hujumlar uyishtirishdi. Afsuski, ikkinchi bo‘limda ko‘plab vaziyatlarni ko‘kka sovirishdi. Ularni ham tushinsa bo‘ladi. Asosiy vazifa hal bo‘ldi.Gollar farqi borasida Yaponiyadan o‘tib ketdik. Eng asosiysi, 3- turdagi hal qiluvchi o‘yin oldidan ortiqcha jarohatlarsiz, kartochkalarsiz omon-eson yetib olishni muhimroq sanashdi ,shekilli, gollardan bizni mahrum etishdi.

Bu g‘alabadan so‘ng O‘zbekiston muddatidan avval keyingi bosqich masalasini hal qilgan Osiyo grandlari qatoriga qo‘shildi.

Bugungi yirik hisobdagi g‘alaba bilan muxlislarimizni tabriklab qolamiz. G‘alabalarimiz bardavom bo‘lsin!