O‘zbekiston futbol assosiasiyasi tomonidan yurtimizda faoliyat olib borayotgan murabbiylarga ta’lim berish bilan birga ularning bilimlarini muntazam ravishda yangilab borish yo‘lida ham ko‘plab chora-tadbirlar amalga oshirilmoqda.
Jumladan, 12-16 yanvar kunlari Andijon viloyatidagi murabbiylar uchun bilimlarni yangilash bo‘yicha O‘FAning birinchi modul o‘quv-kurslari bo‘lib o‘tdi. Mazkur kurslarda Zoir Hasanov instruktor sifatida faoliyat yuritgan bo‘lsa, Lochin Guldayev koordinator sifatida ishladi.
Keyinroq mazkur kurslarning ikkinchi moduli bo‘lib o‘tadi. Unda murabbiylar amaliy va nazariy imtihonlar topshirishadi. Imtihonlardan muvaffaqiyatl o‘tgan murabbiylar uch yil davomida murabbiylik faoliyati bilan shug‘ullanishlari mumkin bo‘ladi.
