OFK Osiyo Kubogidagi vaziyatlar bo‘yicha bir qator futbolchilarni jazoladi.

Unga ko‘ra, o‘tgan turda Ummon terma jamoasiga qarshi bahsda Yaponiya terma jamoasi a’zosi Takumi Minamino raqibni ushlab qolgani uchun hakam tomonidan sariq kartochka bilan jazolangan edi.

Ushbu harakati uchun OFK futbolchini 5000 AQSH dollari miqdorida jarimaga tortdi. Eslatib o‘tamiz, avvalroq, OFK terma jamoamiz a’zosi Yegor Krimesni 7500 AQSH dollari miqdorida jarimaga tortgan edi.

Ma’lumot o‘rnida, ertaga Yaponiya terma jamoasi ko‘k rangli libosda, O‘zbekiston esa oq rangli libosda harakat qiladi. O‘yin Al-Ayn shahridagi “Xalifa bin Zayd” stadionida Toshkent vaqti bilan soat 18:30 da boshlanadi. Mazkur bahsni BAAlik hakam Muhammad Abdulla Hasan boshqaradi.