Hozirgina AQSHning Nevada shtati Las-Vegas shahridagi MGM Grand arenasida uzoq kutilgan professional boks kechasi yakunlandi.
Oqshomning markaziy jangida filippinlik boks afsonasi Menni Pakyao (61-7-2, 39 KO) to‘rtta vaznda sobiq jahon chempioni amerikalik Edriyen Broner (33-4-1, 24 KO)ga qarshi ringga ko‘tarildi.
66,7 kg vazn toifasida o‘tkazilgan superjang g‘olibi ochkolar hisobiga ko‘ra aniqlandi. Butun jang davomida sezilarli ustunlikka erishgan 40 yoshli Pakyao o‘zidan 11 yoshga kichik raqibini 117:111, 116:112, 116:112 hisobida mag‘lubiyatga uchratib, WBA Regular kamarini o‘zida saqlab qoldi.
