Hozirgina yakunlagan uchrashuvda terma jamoamiz penaltilar seriyasi qurboniga aylandi. Hammasi biz uchun yaxshi boshlangan edi. Afsuski, yakunda amaldagi chempionlarni keyingi bekatga kuzatib qo‘ydik. O‘yin mobaynida sharhlovchilar tomonidan charxlangan asablar Bikmayevning noaniq zarbasi evaziga portlab ketdi.
Uzoq davom etgan uchrashuvni juda ko‘pchilik ikki hissa qo‘rquvda o‘tkazdi. Birinchidan, og‘ir uchrashuv bo‘ldi, ikkinchidan esa, bizning mashhur sharhlovchilarimiz Avstraliya terma jamoasining o‘yinchilarini ta’rifini keltirish bilan muxlislarni ikki hissa qo‘rquvda ushlab turishdi.
Mayli, match haqida qisqacha to‘xtalsak.
Uchrashuv teng kurashlarda davom etdi. Bugungi uchrashuvda ikkala jamoa ham g‘alabaga loyiq o‘yin ko‘rsatishdi. Afsuski, termamizning deyarli ikki soatlik mehnatni eski va omadsiz futbolimizning ko‘lankasi o‘z domiga tortib ketdi…
Penaltilar seriyasi bu - doim lotoreya. Omad bu safar ham bizdan yuz o‘girdi. Mayli, o‘tgan ish o‘tdi. Kelajakda bizni JCH saralashi kutib turibdi…
Ektor Kuper janoblariga turnirdagi ajoyib o'yinlari uchun katta rahmat aytib qolamiz. Biz bu tempda ishlashda davom etsak, nasib qilsa saviya jihatidan Erondan ham o'tib ketishimizga ishonamiz. Rahmat sizga, Kuper tog'a
