Angliya terma jamoasining sobiq futbolchisi Gari Lineker "Yuventus" hujumchisi Krishtianu Ronalduni tanqid qildi.
Portugaliyalik futbolchi samolyot bortida turib tushgan selfini internet tarmog‘iga qo‘ygan.
"Hozir bunday postlarning vaqti emas. Mutlaqo. Ishonamanki, uning bu voqeadan xabari bo‘lmagan, ammo kimdir buni unga yetkazishi kerak", - deb yozadi Lineker Tvitterda.
Eslatib o‘tamiz, Kardiffga uchgan argentinalik28 yoshli futbolchi Emiliano Sala o‘tirgan samolyot qo‘nish vaqtiga bir soat qolganida radardan yo‘qolgan. Qutqaruv-qidiruv ishlari natija bermagan.
