Poytaxtimizdagi qilichbozlik majmuasida bo‘lib o‘tayotgan yoshlar o‘rtasidagi O‘zbekiston chempionatida shamshir yo‘nalishida ham kuchlilar aniqlandi. Ahamiyatlisi, yigitlar guruhida finalda Qoraqalpog‘iston Respublikasining ikki vakili ro‘baro‘ kelib qoldi. Hal qiluvchi uchrashuvda hamyurti Fozil Genjiboyevni mag‘lub etgan Sherzod Mamutov bosh sovringa ega chiqdi. 3-o‘rin Toshkent viloyati jamoasi a’zosi Jaloliddin Dushamboyev hamda poytaxtlik Boburjon Rasulovga nasib etdi.
Qizlar o‘rtasida ham g‘oliblikni QQR sportchisi, Zaynab Dayibekova qo‘lga kiritdi. U finalda poytaxtlik Shahnoza Tog‘aymurodovani yengdi. 3-o‘ringa Sevilya Xudayberganova (Toshkent viloyati) va Guliston Perdiboyeva (QQR) ko‘tarildi.
