Пойтахтимиздаги қиличбозлик мажмуасида бўлиб ўтаётган ёшлар ўртасидаги Ўзбекистон чемпионатида шамшир йўналишида ҳам кучлилар аниқланди. Аҳамиятлиси, йигитлар гуруҳида финалда Қорақалпоғистон Республикасининг икки вакили рўбарў келиб қолди. Ҳал қилувчи учрашувда ҳамюрти Фозил Генжибоевни мағлуб этган Шерзод Мамутов бош совринга эга чиқди. 3-ўрин Тошкент вилояти жамоаси аъзоси Жалолиддин Душамбоев ҳамда пойтахтлик Бобуржон Расуловга насиб этди.
Қизлар ўртасида ҳам ғолибликни ҚҚР спортчиси, Зайнаб Дайибекова қўлга киритди. У финалда пойтахтлик Шаҳноза Тоғаймуродовани енгди. 3-ўринга Севиля Худайберганова (Тошкент вилояти) ва Гулистон Пердибоева (ҚҚР) кўтарилди.
