“Barselona” hujumchi Lionel Messining holatini nazorat qilishda davom etmoqda.

Klub vakillari Messining jarohatiga unchalik jiddiy e’tibor qaratishmayapti. U yengil jarohat olgan va “Real”ga qarshi o‘yinga tushish ehtimoli ko‘proq deb xabar beradi Diario Sport.

Murabbiylar shtabi Messining ishtiroki haqidagi qarorni ertaga qabul qilishadi. Agar argentinalik futbolchi og‘riqlarni sezmasa, bosh murabbiy Ernesto Valverde uni qaydnomaga kiritadi.

Eslatib o‘tamiz, Messi bugun umumiy guruh bilan shug‘ullanmadi.