Xabar berib o‘tganimizdek, Saxalinskda 16 yoshgacha bo‘lgan sportchilar o‘rtasida «Osiyo bolalari» I qishki o‘yinlari o‘tkaziladi. Ilk marotaba tashkil etilayotgan musobaqada 20 dan ortiq mamlakat sportchilari sovrinli o‘rinlar uchun kurash olib boradilar. Bahslarda o‘zbekistonlik yosh sportchilar ham ishtirok etadilar.
Bugun o‘yinlarning tantanali ochilish marosimi bo‘lib o‘tdi. Unda ishtirokchi terma jamoalar huddi katta kompleks musobaqalarda bo‘lgani kabi o‘z mamlakatlari bayroqlarini ko‘targan holda yurib o‘tishdi. O‘z navbatida O‘zbekiston sport delegasiyasi vakillari ham vatanimiz bayrog‘ini ko‘targan holda o‘ziga hos «parad»da ishtirok etdilar. Delegasiyamiz safida tog‘ chang‘isi bo‘yicha terma jamoamiz a’zosi Medet Nazarov bayroqdor vazifasini bajardi.
Eslatib o‘tamiz, O‘zbekiston terma jamoasi musobaqada quyidagi tarkibda ishtirok etmoqda:
Tog‘ chang‘isi:
Valeriya Kovalyova
Medet Nazarov
Akilbek Buxarbayev
Figurali uchish:
Niginabonu Jamoliddinova
Azizmurod Shabazov
Diana Rahmonqulova
Snoubord:
Valeriya Mayorova
Aziz Saparbayev.
O‘yinlar 17 fevralga qadar davom etadi.
