Osiyo Chempionlar Ligasi 2-saralash bosqichi o‘yinidan avval jamoalar vakillari ishtirokida yig‘ilish o‘tkazildi.
Unda uchrashuv komissari "Paxtakor" va "Eyr Fors" jamoalari vakillari bilan bahsni tashkil etishdagi turli tashkiliy masalalar yuzasidan fikr almashdi va OCHL qoidalari bilan yana bir tanishtirib o‘tdi. Jamoalarning liboslariga aniqlik kiritildi. "Paxtakor" maydonda sariq-ko‘k rangli liboslarda harakat qiladi. Darvozabonimiz qizil futbolka va qora shortidan foydalanadi. Raqib esa ko‘k-yashil rangli futbolkalarda o‘ynaydi.
Uchrashuv asosiy vaqti durang bilan tugagan taqdirda qo‘shimcha bo‘limlarga murojaat qilinadi. Qo‘shimcha bo‘limlarda jamoalar yana bir futbolchi almashtirish imkoniyatiga ega bo‘lishadi.
