15-17 fevral kunlari Birlashgan Arab Amirliklarining Dubay shahrida karate bo‘yicha «Premyer Liga» reyting turniri bo‘lib o‘tadi. Musobaqada jahonning turli mamlakatlaridan 700 nafardan ziyod karatechi sovrinli o‘rinlar va Olimpiya reyting ochkolari uchun kurash olib boradi. Bellashuvlarda O‘zbekiston terma jamoasi a’zolari ham ishtirok etadilar.
Terma jamoamiz bahslarda quyidagi tarkibda qatnashadi:
Erkaklar:
-60 kg: Sadriddin Saymatov
-67 kg: Iqboljon Uzoqov
-67 kg: Sanjar Abdukarimov
-75 kg: Dastonbek Otabolayev
Ayollar:
-50 kg: Bahriniso Babayeva
-61 kg: Barno Mirzayeva
Murabbiy: O‘ktam Bekpo‘latov.
Milliy olimpiya qo‘mitasi ushbu turnirda karatechilarimizga muvaffaqiyat tilaydi.
