«Manchester Yunayted» klubi futbolchilari Jessi Lingard va Antoni Marsyal yaqin o‘rtada jamoaga yordam bera olishmaydi.
Mankuninalar ustozi Ole Gunnar Sulsherning ma’lum qilishicha, ikki futbolchi ham 2-3 haftaga safdan chiqqan.
Shu tariqa, ikki yetakchi «Chelsi» (18 fevral) va «Liverpul» (24 fevral) jamoalariga qarshi o‘yinlarni o‘tkazib yuborishadi.
Eslatib o‘tamiz, har ikkisi YECHL doirasida «PSJ»ga qarshi kechgan o‘yinning (0:2) birinchi bo‘limida jarohat olishgandi.