Yevropa chempionlar ligasining nimchorak final bosqichida «Liverpul» o‘z uyida «Bavariya» bilan durang o‘ynadi. Mezbonlar yarim himoyachisi Sadio Mane mazkur bahsda maydonda 90 daqiqa davomida harakat qildi.

Liverpool Echo tarqatgan xabarga ko‘ra, o‘yin paytida futbolchining uyiga o‘g‘rilar kirib, ba’zi jihozlarni olib ketishgan. Senegallik futbolchining soati, telefoni va mashinasining kaliti yo‘qolgan.

Mazkur ish bilan shug‘ullanayotgan inspektor Fil Maxon barchadan o‘g‘rilik bilan bog‘liq ma’lumotlarni polisiyaga taqdim qilishni so‘radi.

YECHLning o‘tgan mavsumida guruh bosqichi o‘yini paytida "Liverpul"ning boshqa futbolchisi Deyan Lovrenning uyiga o‘g‘ri tushgandi.