Vertogen o‘z faoliyatida himoyani har qanday nuqtasida bexato o‘ynay olishini isbotlagan. Belgiyalik futbolchi uchun murabbiyning qanday taktika ko‘llashini farqi yo‘q, u o‘z pozisiyasida mukammal o‘yin namoyish etib bera oladi.

“Borussiya Dortmundga“ qarshi o‘yin, jamoalar tarkibi e’lon qilinganida bir savol tug‘ildi. Pochettino nima qilmoqchi? Vertongen loteral sifatida belgilangan “shporlar” uchun loteral – himoyadan ko‘ra, hujumga ko‘proq e’tibor qaratadigan pozisiya.

Loteral – juda ko‘p yugurishi kerak. Men ikkilana boshladim Yanda himoyadan hujumga, hujumdan himoyaga yugurish uchun kuch yetarmikan? Axir futbolchini yoshi 32 ga qarab ketmoqda. Raqib jarima maydonchasi-chi? U yerda yuqori texnika kerak va eng asosiysi pressing.

Pressing loteral uchun juda muhim jihat desam adashmayman. Vertongen esa... Nazarimda nisbatan kuchsizroq nuqta aynan Yanning pozisiyasi edi, lekin men adashgan edim. 

Birinchi bo‘limda himoyachi yuqorida sanab o‘tilganlarni bekami ko‘st bajara olishini amalda isbotladi: qo‘rqmasdan pressingga bordi, hujumni qo‘llab-quvvatladi, dribling namoyish eta boshladi va eng asosiysi – Sanchoni zararsizlantira oldi.

Ikkinchi bo‘limda esa, futbolchi qahramonga aylandi desak ham bo‘laveradi Hakimiga bosim uyushtirib uni xato qilishga majburladi va Songa golli uzatma amalga oshirdi. Bu gol o‘yin tizginini burib yubordi desak mubolag‘a bo‘lmaydi.

“Borussiya”ning o‘ng qanoti parchalanib ketdi. Vertongen Xakimi va Sanchoga unutilmas dars o‘tib berdi. Keyin esa o‘zi ham gol urdi.

Shunday qilib, so‘nggi uch yil davomida himoya markazida barqaror o‘yin namoyish etib kelayotgan futbolchi, o‘zi uchun yangi bo‘lgan pozisiyada maydonga tushib, jamoasining chempionlar ligasi ¼ finaliga chiqishi uchun imkoniyatini ancha yaxshilab qo‘ydi.