“Manchester Yunayted” “Kristal Pelas”ga qarshi o‘yin oldidan jiddiy muammoga yo‘liqdi.
Ushbu o‘yinda “qizil iblislar”ning 10 nafar futbolchisi ishtirok etmaydi. Himoyachilar Fil Jons, Matteo Darmian va Antonio Valensiya uzoq vaqtdan beri jarohat olganlar qatorida edi.
Yarim himoyachilar Nemanya Matich va Antoni Marsyal yaqinda jarohat oldi. Marsyal – PSJga qarshi o‘yinda, Matich – “Liverpul”ga qarshi o‘yin oldidan jarohat oldi.
“Liverpul”ga qarshi o‘yin vaqtida birdaniga to‘rt nafar futbolchi jarohat ortirib olishdi.
Shulardan uch nafari – Xuan Mata, Ander Errera va Jessi Lingard (zahiradan tushib jarohat oldi). Markus Reshford esa o‘yinni jarohat bilan o‘tkazdi.
Shuningdek, Sulsher Meyson Grinvudni mashg‘ulotlarga chorlamoqchi.
Marsyal, Matich, Jons, Darmian, Valensiya va Lingard katta ehtimol bilan uchrashuvni o‘tkazib yuboradi. Boshqalar esa so‘roq ostida turibdi.
