"Barselona" bosh murabbiyi Ernesto Valverde Ispaniya chempionatining 26-turida "Real"ga qarshi o‘yin oldidan fikrlari bilan o‘rtoqlashdi.
"Biz Primerada yetakchilik qilyapmiz, ammo oldinda o‘yinlar ko‘p. Dubl haqida gaplashishga erta, trebl haqida umuman o‘ylamaslik kerak. Hozir diqqatimizni chempionatga qaratib, butun mavsum davomida barqarorlikka erishishimiz kerak. ertangi o‘yin poydevor vazifasini o‘taydi.
Bu o‘yin raqib uchun qanday ahamiyatga ekanini o‘ylamayapmiz. U biz uchun qanchalik ahamiyatliligi haqida o‘ylayapmiz. "Real" g‘alaba qozonmasligi biz uchun kerak, ammo poygada boshqa jamoalar ham bor. Hech narsa hal bo‘lgani yo‘q, ertangi o‘yin chempionlik taqdirini hal qilmaydi", - deydi Valverde.
