"Барселона" бош мураббийи Эрнесто Вальверде Испания чемпионатининг 26-турида "Реал"га қарши ўйин олдидан фикрлари билан ўртоқлашди.

"Биз Примерада етакчилик қиляпмиз, аммо олдинда ўйинлар кўп. Дубль ҳақида гаплашишга эрта, требл ҳақида умуман ўйламаслик керак. Ҳозир диққатимизни чемпионатга қаратиб, бутун мавсум давомида барқарорликка эришишимиз керак. эртанги ўйин пойдевор вазифасини ўтайди.

Бу ўйин рақиб учун қандай аҳамиятга эканини ўйламаяпмиз. У биз учун қанчалик аҳамиятлилиги ҳақида ўйлаяпмиз. "Реал" ғалаба қозонмаслиги биз учун керак, аммо пойгада бошқа жамоалар ҳам бор. Ҳеч нарса ҳал бўлгани йўқ, эртанги ўйин чемпионлик тақдирини ҳал қилмайди", - дейди Вальверде.