Belarusning "Dinamo" Brest klubi rahbari Aleksandr Zaysev mamlakat chempionatida ishtirok etish huquqi qaytarilmasa, klub boshqa mamlakat chempionatida qatnashishi mumkinligini ma’lum qildi.

"Dinamo" Brest va "Neman" klubi o‘rtasida futbolchi Pavel Saviskiyning transferi yuzasidan ziddiyat yuzagan kelgan, Belarus futbol federasiyasi (ABFF) brestliklarni futbolchi uchun 400 ming dollar to‘lashga majburlamoqda. "Dinamo" esa to‘lamoqchi emas.

"Dinamo"ni chempionatdan chetlashtirishga hamma asos bor, buni tushunaman. Ammo pozisiyamni aniq aytganman: nol rubl, nol kopeyka. Bizni chetlashtirishlari mumkin - bunga tayyormiz. Shunday bo‘lsa, belarus futboli o‘z qarorini o‘zi sharhlasin. Bizning loyihamiz - belarus futboliga real mablag‘ olib kiradigan kamyob loyiha. Biz ko‘p narsa yaratdik, katta rejalarimiz bor. Ammo federasiyani bu qiziqtirmaydi.

Biz shunchaki boshqa chempionatga o‘tib ketamiz. Bu bir kunlik ish emas. Ammo o‘ylashimcha, eng so‘nggi choragacha yetib bormaydi", - deydi Zaysev.

Eslatib o‘tamiz, brestliklar argentinalik mashhur Diyego Maradonani klubning strategik rivoji uchun ma’sul etib tayinlagan edi.