Беларуснинг "Динамо" Брест клуби раҳбари Александр Зайцев мамлакат чемпионатида иштирок этиш ҳуқуқи қайтарилмаса, клуб бошқа мамлакат чемпионатида қатнашиши мумкинлигини маълум қилди.
"Динамо" Брест ва "Неман" клуби ўртасида футболчи Павел Савицкийнинг трансфери юзасидан зиддият юзаган келган, Беларус футбол федерацияси (АБФФ) брестликларни футболчи учун 400 минг доллар тўлашга мажбурламоқда. "Динамо" эса тўламоқчи эмас.
"Динамо"ни чемпионатдан четлаштиришга ҳамма асос бор, буни тушунаман. Аммо позициямни аниқ айтганман: ноль рубль, ноль копейка. Бизни четлаштиришлари мумкин - бунга тайёрмиз. Шундай бўлса, беларус футболи ўз қарорини ўзи шарҳласин. Бизнинг лойиҳамиз - беларус футболига реал маблағ олиб кирадиган камёб лойиҳа. Биз кўп нарса яратдик, катта режаларимиз бор. Аммо федерацияни бу қизиқтирмайди.
Биз шунчаки бошқа чемпионатга ўтиб кетамиз. Бу бир кунлик иш эмас. Аммо ўйлашимча, энг сўнгги чорагача етиб бормайди", - дейди Зайцев.
Эслатиб ўтамиз, брестликлар аргентиналик машҳур Диего Марадонани клубнинг стратегик ривожи учун маъсул этиб тайинлаган эди.
