“Qo‘qon-1912” mavsum oldi yig‘inlarning katta qismini Toshkent shahrida o‘tkazganidan xabaringiz bor.
“Navbahor”ga qarshi kechadigan bahsga tayyorgarlik ham poytaxtda boshlangan edi. Bunga sabab “vodiy derbisi”ning qayerda bo‘lishi noma’lum edi.
Mazkur uchrashuv “Istiqlol” stadionida o‘tkazilishi oydinlashgach, mashg‘ulotlar Farg‘onaga ko‘chirildi.
Aniqrog‘i, kecha qo‘qonliklar Farg‘onada to‘planishdi va Superliga 1-tur o‘yiniga tayyorgarlikni boshlab yubordi.
Eslatib o‘tamiz, Superliganing 1-turidan o‘rin olgan “Navbahor” hamda “Qo‘qon-1912” jamoalari o‘rtasidagi “vodiy derbisi” Farg‘ona shahridagi “Istiqlol” stadionida bo‘lib o‘tadi. O‘yin 10 mart kuni, soat 16:00da start oladi.
