“Қўқон-1912” мавсум олди йиғинларнинг катта қисмини Тошкент шаҳрида ўтказганидан хабарингиз бор.

“Навбаҳор”га қарши кечадиган баҳсга тайёргарлик ҳам пойтахтда бошланган эди. Бунга сабаб “водий дербиси”нинг қаерда бўлиши номаълум эди.

Мазкур учрашув “Истиқлол” стадионида ўтказилиши ойдинлашгач, машғулотлар Фарғонага кўчирилди.

Аниқроғи, кеча қўқонликлар Фарғонада тўпланишди ва Суперлига 1-тур ўйинига тайёргарликни бошлаб юборди.

Эслатиб ўтамиз, Суперлиганинг 1-туридан ўрин олган “Навбаҳор” ҳамда “Қўқон-1912” жамоалари ўртасидаги “водий дербиси” Фарғона шаҳридаги “Истиқлол” стадионида бўлиб ўтади. Ўйин 10 март куни, соат 16:00да старт олади.