Yangi mavsumga jiddiy ravishda tayyorsharlik olib borayotgan “Qo‘qon-1912” jamoasining yetakchi futbolchilaridan bir Quvondiq Ro‘ziyev, mavsum oldidan o‘z fikrlari bilan o‘rtoqlashdi.
- Chempionat startini barcha kabi intiqlik bilan kutyapmiz. Yangi mavsum har yilgidan ham qiziqarliroq bo‘lishini kutyapman. Tayyorgarlikni asosiy qismini Toshkentda olib bordik va barchasi a’lo darajada o‘tdi. Bizning jamoamiz yangi mavsumga tayyor!
Qur’a tashlash marosimidan so‘ng 1-turda bizga azaliy raqibimiz Namanganning “Navbahor” jamoasi tushgani ma’lum bo‘ldi. O‘ylaymanki bu uchrashuv judayam shiddatli kurashlarga boy va tomoshabop bo‘ladi. “Vodiy derbi”lari doim qiziqarli o‘tgan. Albatta biz mavsum startini yaxshi kayfiyatda boshlashni niyat qilganmiz. “Qo‘qon-1912” – "Navbahor" uchrashuvida bizni butun Farg‘ona viloyati xalqi qo‘llab turishi bizga yanada ko‘proq ma’suliyat yuklaydi. Endi biz nafaqat Qo‘qonlik balki barcha Farg‘ona viloyatidagi muxlislarni xursand qilishimiz kerak bo‘ladi. Barcha muxlislarimizni jamoamizni qo‘llab turishga chaqiraman.
Kelayotgan mavsumda jamoamiz o‘z oldiga yuqori maqsadlarni qo‘yadi. Biz superligada raqobatbardosh jamoalardan biri bo‘lishga intilamiz va muxlislarimizni xursand qilishni asosiy maqsadimiz deb bilamiz.
